ABIRIA WA BASI LA CHAMPION AFARIKI DUNIA AKIWA SAFARINI

MKAZI wa Dodoma, Ramadhan Zuber ambaye alikuwa abiria kwenye basi la Champion amefariki dunia akiwa safarini.

Akizungumza na paparazi mjini Kibaha, Kamanda wa Polisi mkoani Pwani, Ulrich Matei alisema kuwa Zuber (29) alikuwa akisafiri toka Dar es Salaam kwenda Dodoma.

Kamanda Matei alisema kuwa tukio hilo lilitokea Januari 16, saa 3:30 asubuhi katika kijiji cha chamakweza wilaya ya Bagamoyo ambapo alibainika kuwa ameshafariki dunia.

 

Alisema kuwa Zuber alikuwa amekaa kiti namba 3 kwenye basi hilo lenye namba za usajili T 909 BRA.

 

Chanzo cha kifo hicho bado hakijafahamika. Alisema kuwa mwili wa marehemu umehifadhiwa kwenye Hospitali ya Tumbi kwa ajili ya uchunguzi.